کراچی : شہر قائد کے پوش علاقے ڈیفنس میں با اثر شخص کی جانب سے نوجوان پر سرعام تشدد کی ویڈیو وائرل ہورہی ہے، متاثرہ شخص اور اس کی بہن نے بار بار معافی کی درخواست کی لیکن اس کا کوئی اثر نہیں لیا۔

اے آر وائی نیوز کی رپورٹ کے مطابق ڈیفنس کے علاقے اتحاد ٹاؤن میں ایک شہری پر تشدد کی ویڈیو سوشل میڈیا پر وائرل ہورہی ہے۔

ویڈیو میں ایک با اثر شخص کو لڑکی کے سامنے نوجوان پر تشدد کرتے دیکھا جاسکتا ہے، لڑکی اور نوجوان کو بچانے کیلئے معافیاں مانگ رہی ہے۔

اس حوالے سے ایس ایس پی ساؤتھ مہزور علی نے کہا کہ واقعہ کس وجہ سے ہوا اور کس جگہ ہوا اس کی تحقیقات کررہے ہیں، ابھی تک کسی نے پولیس کو واقعے کی اطلاع نہیں دی ہے، سوشل میڈیا سے واقعے کا علم ہوا تحقیقات کررہے ہیں۔

ایس ایس پی نے بتایا کہ فوٹیج میں تشدد کرنے والے با اثر شخص کی شناخت سلمان فاروقی کے نام سے ہوئی ہے، سلمان فاروقی اور اس کے گارڈ نے شہری پر تشدد کرکے قانون کو ہاتھ میں لیا۔

ذرائع کا کہنا ہے کہ شہری پر تشدد کرنے والا شخص سلمان فاروقی بائیونک فلمز نامی اشتہاری کمپنی کا سی ای او ہے۔

ایس ایس پی ساؤتھ مہزور علی نے بتایا کہ بااثر ملزم کی گرفتاری کیلیے اس کے دفتر پر چھاپہ مارا گیا تاہم ملزم کا دفتر بند ہے۔

پولیس حکام کے مطابق واقعے کی شکایت پولیس کو نہیں دی گئی، فیملی کی بھی تلاش جاری ہے،
ملزم کی گرفتاری کیلئے مختلف مقامات پر چھاپے مارے جا رہے ہیں۔

کراچی: ڈیفنس خیابان اتحاد میں موٹر سائیکل سوار نوجوان پر تشدد کرنے والا ملزم سلمان فاروقی کو گرفتار کرلیا گیا۔

 گزشتہ روز کراچی کے پوش علاقے ڈیفنس میں کار اور موٹر سائیکل میں تصادم کے بعد کار سوار بااثر شخص آپے سے باہر ہوگیا اور نوجوان کو اس کی بہنوں کے سامنے تشدد کا نشانہ بنایا۔

واقعے کی فوٹیج وائرل ہونے کے بعد پولیس بھی ایکشن میں آگئی اور واقعے کا مقدمہ درج کرکے بااثر شخص کے سیکیورٹی گارڈ، ڈرائیور اور گھریلو ملازم کو حراست میں لے لیا اور ایک گاڑی بھی تحویل میں لے لی تھی۔

اسلام آباد(اوصاف نیوز)وفاقی کابینہ میں توسیع کے بعد پیپلزپارٹی کے مسلم لیگ ن کی قیادت کے فیصلوں پر تحفظات تھے کیونکہ پیپلزپارٹی کو کابینہ میں شامل نہیںکیا جاسکا، ان تحفظات کو لیکر چیئرمین بلاول بھٹو زرداری وزیراعظم شہباز شریف سے اہم ملاقات کرینگے، یہ اہم ملاقات کل اسلام آباد میں ہوگی۔

ذرائع کے مطابق وزیراعظم ہاؤس میں اعلیٰ سطح حکومتی اتحادی اجلاس بھی ہوگا جس میں حکومتی اور اتحادی جماعتوں کے سربراہان شریک ہوں گے۔ وزیراعظم سے ملاقات کے لیے کل بلاول بھٹو بھی آسلام آباد پہنچیں گے، بلاول بھٹو وزیراعظم ہاؤس میں اعلیٰ سطح حکومتی اتحادی اجلاس میں شریک ہوں گے۔

اجلاس میں حکومت کے انتظامی معاملات زیر بحث آئیں گے جبکہ بلاول بھٹو حکومت سے معاہدوں پر پارٹی تحفظات وزیراعظم کے سامنے رکھیں گے۔ پنجاب میں ترقیاتی فنڈز کی عدم فراہمی سمیت اہم معاملات بھی زیر بحث آئیں گے۔

راولپنڈی(نیوزڈیسک)صدرپاکستان آصف علی زرداری سے چیئرمین جوائنٹ چیفس آف سٹاف کمیٹی جنرل ساحر شمشاد مرزا کی ملاقات، صدارتی منصب سنبھالنے پر مبارکباد ۔ دونوں رہنماؤں نے دہشتگردی کی لعنت کو قوم کے تعاون سے جڑ سے اُکھاڑ پھینکنے کے عزم کا اظہار کیا۔ جنرل ساحر شمشاد نے صدر آصف علی زرداری کو ملکی سکیورٹی صورتحال اور مسلح افواج کی آپریشنل تیاریوںپر بریفنگ دی۔

چیئرمین جوائنٹ چیفس آف اسٹاف کمیٹی نے کہا کہ مسلح افواج اندرونی و بیرونی سیکیورٹی چیلنجز سے موثر انداز میں نمٹنے کی صلاحیت رکھتی ہیں۔ صدر مملکت نے قومی سرحدوں کے دفاع ، ملکی سماجی و اقتصادی ترقی میں مسلح افواج کے کردار کو سراہا۔ صدر مملکت کا کہنا تھا کہ پورا اعتماد ہے کہ سیکورٹی فورسز اندرونی اور بیرونی سیکورٹی چیلنجزپر کامیابی سے قابو لیں گی۔

وزیراعظم شہباز شریف نے کہا ہے کہ فتنۃ الہندوستان جیسے گروہوں کو مقامی حمایت دینا ملک دشمنی ہے اور بلوچستان میں امن و ترقی کی راہ میں رکاوٹیں ڈالنے والے دہشتگردوں کو کچل دیا جائے گا۔

کوئٹہ میں گزشتہ روز بلوچستان کے عمائدین کے جرگے سے خطاب میں وزیراعظم شہباز شریف کا کہنا تھاکہ بھارت کی سرپرستی میں بلوچستان میں پراکسی وار شدت اختیار کر چکی ہے۔ انہوں نے اعلان کیا کہ بلوچستان میں امن و ترقی کی راہ میں رکاوٹیں ڈالنے والے دہشتگردوں کو کچل دیا جائے گا، فتنۃ الہندوستان جیسےگروہوں کو مقامی حمایت دینا ملک دشمنی ہے۔

ان کا کہنا تھاکہ حکومت، فوج، ادارے اور عوام مل کر دہشتگردی کو انجام تک پہنچائیں گے، دہشتگردوں کے سہولت کار اور مددگار بھی قانون کی گرفت سے نہیں بچ سکیں گے۔ وزیراعظم کا کہنا تھاکہ بلوچستان کی ترقی کیلئے اربوں روپے کے منصوبے جاری ہیں،ثمرات عوام تک پہنچیں گے، قوم، حکومت اور سکیورٹی ادارے شہدا کے خاندانوں کے ساتھ کھڑے ہیں۔

دوسری جانب جرگے سے خطاب میں آرمی چیف و فیلڈ مارشل عاصم منیر  کا کہنا تھاکہ  بھارتی مداخلت اب چھپی نہیں، بلوچستان میں دہشتگرد نیٹ ورکس کے شواہد موجود ہیں۔ انہوں نے کہا کہ پاکستان آرمی ملکی خودمختاری پر کوئی سمجھوتہ نہیں کرے گی، بلوچستان کا امن پاکستان کے مستقبل کے ساتھ جڑا ہوا ہے اورپاکستانی فوج اور عوام ہر دشمن کے ناپاک عزائم کو خاک میں ملا دیں گے۔

بلوچ قبائلی عمائدین نے حکومت اور پاک فوج کے ساتھ مکمل یکجہتی کا اظہار کیا۔ اس کے علاوہ وزیراعظم شہبازشریف نے کمانڈ اینڈ اسٹاف کالج کوئٹہ میں افسران سے بھی خطاب کیا جس میں انہوں نے پیشہ ورانہ مہارت، اسٹریٹجک تیاری اور قومی سلامتی پر زور دیا گیا۔

شہباز شریف کا کہنا تھاکہ بھارتی اسپانسرڈ پراکسیز بلوچستان میں ترقی کے دشمن ہیں۔

مسلم لیگ (ن) کے صدر اور سابق وزیراعظم میاں نواز شریف لندن روانہ ہو گئے ہیں وہ وہاں قیام کے دوران طبی معائنہ بھی کرائیں گے۔

اے آر وائی نیوز کے مطابق مسلم لیگ (ن) کے صدر اور سابق وزیراعظم میاں محمد نواز شریف آج خصوصی پرواز کے ذریعہ لندن روانہ ہو گئے ہیں۔

نواز شریف کے ہمراہ ان کے صاحبزادے حسن نواز اور ذاتی معالج بھی لندن گئے تھے۔ سابق وزیراعظم لندن قیام کے دوران اپنا مکمل طبی معائنہ بھی کرائیں گے۔

خاندانی ذرائع کے مطابق نواز شریف تقریباً 2 ہفتے لندن میں مقیم رہیں گے اور عیدالاضحیٰ اپنے بیٹوں اور اہلخانہ کے ساتھ وہیں منائیں گے۔

رپورٹ کے مطابق سابق وزیراعظم برطانوی وقت کے مطابق نواز شریف شام 6 بجے لندن پہنچیں گے۔

اس سے قبل نواز شریف گزشتہ سال اکتوبر میں لندن گئے تھے اور اب 7 ماہ بعد وہ دوبارہ لندن کے لیے روانہ ہوئے ہیں۔

پشاور: مشیر اطلاعات خیبرپختونخوا بیرسٹر محمد علی سیف کا کہنا ہے مولانا فضل الرحمان جس کرپشن کی بات کر رہے ہیں اس وقت یہ خود نگران حکومت کا حصہ تھے اور ہم نے 20 ارب روپے ان ہی کے لوگوں سے ریکور کیے ہیں۔

ایک تقریب سے خطاب کرتے ہوئے بیرسٹر سیف کا کہنا تھا ہمارے اخلاق اور کردار سے ہماری پہچان ہوتی ہے، سکھ مذہب میں تعلیمات انسانیت سے محبت اور اخلاق کا درس ملتا ہے، ہندو مذہب میں بھی اخلاق پر سب سے زیادہ زور دیا گیا ہے، حضرت عیسیٰ علیہ سلام کی تعلیمات سوائے محبت کے کسی پر زور نہیں دیتیں، اسلام کی تعلیمات کا نچوڑ ہی محبت، اخلاق اور بھائی چارہ ہے۔

بیرسٹر محمد علی سیف کا کہنا تھا نوجوان اپنی صلاحیتیں انسانیت کی خدمت کے لیے وقف کریں، اخلاق کی بنا پر ہم سب ایک ہیں، کوئی اقلیت و اکثریت نہیں ہے، ہم سب میں بہتر وہ ہے جو انسانیت کے لیے کچھ کرے۔

بعد ازاں میڈیا سے گفتگو کرتے ہوئے مشیر اطلاعات بیرسٹر محمد علی سیف کا کہنا تھا پیپلز پارٹی، جے یو آئی اور باقی تانگہ پارٹیاں ضرور تحریک چلائیں، شوق سے تحریک چلائیں لیکن عوام کو ساتھ لےکر آئیں، ایسے ہتھکنڈوں سے بانی پی ٹی آئی کی مقبولیت ختم نہیں ہو گی۔

ان کا کہنا ہے کہ ہم تحریک بھی چلائیں گے، عوام کو شعور بھی دیں گے، عوام کو شعور دیں گے کہ حقیقی آزادی سے ان کو کوئی نہیں روک سکتا۔

ایک سوال کے جواب میں بیرسٹر سیف نے کہا کہ دو دن پہلے ہمارے چترال کے ایم این اے کو سزا دی گئی، اپنا زور آزماؤ، عوام ہمارے ساتھ ہیں، بانی پی ٹی آئی ہمیشہ سے تحریک کے قائد رہے ہیں، میں نہیں سمجھتا پارٹی قیادت ناکام ہوئی ہے۔

مشیر اطلاعات کا کہنا تھا مولانا جس کرپشن اسکینڈل کی بات کرتے ہیں اس وقت یہ خود نگران حکومت کا حصہ تھے، مولانا کے لوگ ٹھیکے اور کمیشن لےکر تجوریاں بھر رہے تھے، ہم نے 20 ارب کے قریب چوری شدہ رقم آپ ہی کے لوگوں سے وصول کی ہے۔

ان کا کہنا ہے خیبر پختونخوا کا بجٹ 13 جون کو پیش کیا جائے گا، صوبائی بجٹ میں عوام کو بھرپور ریلیف ملے گا، ہمارا خزانہ بھرا ہوا ہے، ہم نے صوبے کے وسائل جائز طریقے سے لاہور بار کو دیے، لاہور بار کے وکلا کی جمہوریت کے لیے بہت قربانیاں ہیں۔