ترکیہ اور آذربائیجان کی "آپریشن بنیان مرصوص” کی حمایت پر بھارت سیخ پا ہوگیا اور سفارتی تعلقات خراب کرنے پر تُل گیا۔
تفصیلات کے مطابق مودی حکومت نے پاکستان دشمنی میں ترکیہ اورآذربائیجان کا تجارتی و تعلیمی بائیکاٹ کردیا۔
ترکیہ اور آذربائیجان کی "آپریشن بنیان مرصوص” کی حمایت پر بھارت سیخ پا ہوگیا اور مودی سرکار ترکیہ اور آذربائیجان سے سفارتی تعلقات خراب کرنے پر تُل گئی۔
بھارتی تاجروں نےترکیہ اورآذربائیجان کےمکمل بائیکاٹ کا اعلان کر دیا جبکہ ترکیہ کی کمپنی کو جھوٹے سیکیورٹی خدشات کا بہانہ بنا کر آپریٹ کرنے سے روک دیا۔
بھارتی ای کامرس پلیٹ فارمز نے ترک کپڑوں کی فروخت بند کر دی جبکہ بھارت میں ترک سیب اور ماربل کی بھارت میں تجارت شدید متاثر ہیں۔
بھارت میں جواہرات فروشوں نے روایتی ترک زیورات کے فروخت سے انکار کردیا۔
مودی کا جنونی ایجنڈا تعلیمی اداروں پر بھی مسلط کرتے ہوئے ترکیہ سےتعلیمی روابط منقطع کردیے اور مودی سرکار کےدباؤپر جے این یو، جامعہ ملی اوراردو یونیورسٹی نے ترکیہ سے تعلیمی تعلقات منقطع کر دیے۔
ترک وآذری لوکیشنز پر فلموں کی شوٹنگ ممنوع قرار دے دی گئی اور بھارتی پروڈکشن ہاؤسز کو وارننگ جاری کردی ہے۔
بھارتی گلوکاروں اور فلمی مواد سے پاکستانی فنکاروں کی تصاویر ہٹا دی گئیں، بی جے پی رہنما نے کہا کہ ترکیہ و آذربائیجان سے کاروبار کرنے والی کمپنیوں کا بھی بائیکاٹ ہوگا۔
