امریکی صدر ٹرمپ آج وائٹ ہاؤس میں نیشنل سیکیورٹی کونسل کا اہم اجلاس بلائیں گے، ایران پر حملے سے متعلق حتمی فیصلے کا امکان ہے۔
غیرملکی خبر ایجنسی کے مطابق ڈونلڈ ٹرمپ نیشنل سیکیورٹی کونسل کے اجلاس میں مختلف آپشنز پر غور کریں گے، امکان ہے کہ ایران پر حملے سے متعلق حتمی فیصلہ کیا جائے، بنکر بسٹر بم کو فردو جوہری تنصیب کو تباہ کرنے کےلیے استعمال کیا جاسکتا ہے۔
خبر ایجنسی نے بتایا کہ امریکی فوج کے مطابق خطے میں بھیجے گئے بیڑے ریلیف مشن کا حصہ ہیں،2 بی2اسٹیلتھ بمبارطیارےامریکی ریاست میزوری سے گوام منتقل کردیے گئے ہیں۔
بی2 طیاروں کو بحرہند میں واقع ڈیگوگارشیا بیس پرمنتقل کرنے کامنصوبہ ہے، ڈیگوگارشیا بیس ایران پر حملے کےلیے ایک ری فیولنگ اسٹاپ کی دوری پر ہے،
خبرایجنسی نے بتایا کہ بی2اسٹیلتھ بمبار ہی وہ واحد طیارے ہیں جو بنکربسٹر بم لےجانے کی صلاحیت رکھتے ہیں، بنکربسٹر بم ایران کی فردو جوہری تنصیب کو تباہ کرنے کےلیے استعمال ہونگے۔
