ترک صدر طیب اردوان اور روسی صدر پیوٹن کا ٹیلیفونک رابطہ ہوا ہے جس میں دونوں رہنماؤں کا اسرائیل ایران تنازع پر تبادلہ خیال کیا ہے۔
ترک صدر نے گفتگو میں کہا کہ اسرائیلی حملے پورے خطے کی سلامتی کے لیے خطرہ ہیں، نیتن یاہو حکومت کی لاقانونیت عالمی نظام کے لیے خطرہ ہے خطہ ایک اور جنگ کا متحمل نہیں ہو سکتا۔
انہوں نے کہا کہ ایران سے متعلق مسائل کا واحد حل سفارتکاری ہے غزہ میں نسل کشی سے توجہ ہٹانے کے لیے اسرائیل غلط اقدامات کر رہا ہے۔
روسی صدر نے کہا کہ ایران پر اسرائیلی جارحیت کی مذمت کرتے ہیں کشیدگی ختم کرنے کے لیے سفارتی راستہ اپنانا ضروری ہے۔
اس سے قبل ترک صدر طیب اردوان کی امریکی صدر ڈونلڈ ٹرمپ سے ٹیلیفون پر گفتگو ہوئی ہے جس میں ایران اسرائیل تنازع پر تبادلہ خیال کیا گیا۔
ترک صدارتی دفتر نے آفیشل ’ایکس‘ اکاؤنٹ پر جاری بیان میں کہا ہے دونوں رہنماؤں نے اسرائیل ایران تنازع پر تبادلہ خیال کیا۔
صدر اردوان نے ٹرمپ کے ایران اسرائیل میں امن کے بیان کا خیر مقدم کیا اور خطے میں ہونے والی تباہی روکنے کا مطالبہ کیا ہے۔
ترک صدر نے ایران اسرائیل کشیدگی ختم کرنےکے لیے فوری اقدام پر زور دیا ہے، صدر اردوان نےکہا ترکیہ جوہری پروگرام پر تنازع کے حل کے لیے کردار ادا کرنےکے لیے تیار ہے۔
