لندن: سابق وزیر خارجہ بلاول بھٹو زرداری کی قیادت میں پاکستان کا اعلیٰ سطحی وفد امریکا کا دورہ مکمل کرکے لندن پہنچ گیا۔
امریکا پہنچنے کے بعد سینیٹر شیری رحمان نے اے آر وائی سے گفتگو کرتے ہوئے کہا کہ امریکا کا دورہ بہت اچھا رہا، بھارت کے جارحانہ اقدامات پر پاکستان کے ذمہ دارانہ طرزعمل کو اجاگر کیا۔
شیری رحمان نے کہا کہ امید ہے ملاقاتوں کے دوران ہمارا پیغام دلوں میں بیٹھ گیا ہے، بھارت نے امریکا میں پاکستان کیخلاف مہم چلائی ہوئی ہے۔
سینیٹر شیری رحمان نے کہا کہ بلاول نے واضح کہا ہمارا پیغام امن کا ہے، خطے کو غیرمستحکم نہیں کرنا چاہتے، برطانیہ کا دورہ کل سے شروع ہوگا بہت ساری ملاقاتیں طے ہیں۔
