غزہ کے علاقے خان یونس میں فلسطینی مزاحمت کاروں کے حملے میں 4 اسرائیلی فوجی ہلاک جبکہ 5 زخمی ہوگئے۔
اسرائیلی میڈیا کے مطابق اسرائیلی فوجی دھماکہ خیز مواد اور سرنگوں کا پتا لگانے کے لیے ایک عمارت میں داخل ہوئے تھے جہاں مزاحمت کاروں نے پہلے سے بارودی مواد نصب کیا ہوا تھا۔
اسرائیلی میڈیا کے مطابق بارودی مواد کے دھماکے سے عمارت اسرائیلی فوجیوں پر آگری جس کے نتیجے میں اسرائیلی فوجی ہلاک اور زخمی ہوئے۔
اسرائیلی فوج نے ہلاک ہونے والے 4 میں سے 2 فوجیوں کی شناخت بھی ظاہر کی ہے جن کا تعلق میگلان کمانڈو یونٹ اور یہالوم انجینئرنگ یونٹ سے ہے۔
اسرائیلی میڈیا کا بتانا ہے کہ زخمی ہونے والے 5 فوجیوں میں سے ایک کی حالت تشویشناک ہے۔
